دعوه لكسر الملل والروتين

تعالِ نتكلم ونركز على نقطة معينة في العلاقة بين الرجل و المرأة، وهى ماتتوقعيه من الرجل ولاتجديه.تعالى نشوف ليه بيحصل كده.أحياناً إحنا كستات بنتوقع حاجات معينة من الرجالة ولما مبتحصلش بتٌصاب الست بالإحباط. بالتالى نسبة عطاءها بيقل.

طيب ساعتها ممكن تعمل ايه يعنى؟ لو تزينتى لزوجك وشافك جميلة جدا وقال لك اية القمر دة . وياسلام بقى لو قالك من شدة إنبهاره بالتغير الفظيع ممكن اطلب إيدك من اول وجديد ساعتها ممكن يغمى عليكي لأنك مش هاتستحملى الفرحة. لكن تعملى إيه لو دخلتى عليه بكل الأحاسيس ديه وفجأة لاقتيه بصلك عادى جداً وقالك كويس، وحياتك إعمليلى كباية شاى ساعتها برده عاالإنعاش عدل بس لإنك هتكونى ولعتى من الحسرة والإحباط. طيب تعالى نفكر ممكن نعمل إيه عشان نتغلب على ده. بإنك ممكن تقولي له ايه رأيك في قصتي شعري انهاردة؟ وده لأن الراجل عادةً ما بياخدش باله من التفاصيل. فلو لفتي انتي نظره مش عيب و ساعتها هاتسمعي منه احلى كلام. إحنا احياناً بصراحة بنلف وندور والرجالة مبتحبش كده، يبقى مفيش أحسن من المباشرة بس المباشرة الصح. بمعنى إختيار الشكل الصحيح للكلام وخصوصاً فى طلب الأشياء يعنى مثلاً:
عايزة تتعشى بره النهارده: مفيش أحسن من إنك تقوليها على طول إيه رأيك نتعشى بره النهارده إحنا بقالنا كتير مأكلناش بره؟ مش كده أحسن من إنك تقولى ماكانش عندى وقت عشان آحضر العشاء وهو ممكن ميفهمش قصدك أو بمعنى أصح نواياكى وتناموا من غير عشاء وانتى جواكى وهم أنه فاهم ومطنش.
عارفة ياصديقتى سمعت مره فى دردشة ستات من سيدة عندها 52 سنة وبتقول إنها أسعد زوجة فى الدنيا فسألناها عن الخلطة السرية لهذه السعادة، فقالت حاجة غريبة جداً قالت لنا "الجوابات ". يعنى هى وجوزها إتفقوا على إستراتجية الجوابات ديه بمعنى ان لما يكون حد فيهم متضايق من التانى يكتبله جواب ويسيبه له على الكومدينو والتانى يرد عليه، والمشاكل بينهم بالطريقة ديه مبتخدش غير كام ساعة وبتنتهى. ولما إستغربنا قالت لنا مناقشة المشاكل وجهاً لوجه بتزود حجمها. لكن على ما أكون قرأت الجواب باكون هديت. والأغرب يا صديقتى إن فى آخر الجواب بيكون فيه تحديد ميعاد فى مكان له ذكرى خاصة عندهم يقضوا فيه وقت لطيف ويروحوا وكأن مفيش أى حاجة حصلت.

خٌلاصة الكلام ياصديقتى اننا لازم نتعلم نكون إستثنائين ونحافظ على حياتنا بكل الطرق الجديدة والغريبة عشان نكسر اى ملل ممكن يتسرب لحياتنا ويعكر صفوها

ما شاء الله على الستات اللى من النوع اللى ذكر فى الموضوع

قبلت الدعوة وكسر الملل والروتين

بارك الله فيك

علاج هذه الظاهرة فهو موجود ومتيسر لمن يريده ، وعزمت عليه نفسه بكل جدية، إذ لا يكفي للانسان أن يكون راغباً في العافية ، متمنياً للخلاص ، دون أن يفكر باتخاذ حياله الخطوات العملية ، والإصلاحات الجذرية ، خاصة وأن هذه الوسائل مرتبط نجاحها وظهور آثارها بالأخذ بالوسائل الأخرى كذلك . . . أي : أن يعود المسلم إلى حظيرة إسلامه ودينه وأن يطبقه تطبيقاً كاملاً في كل مجالات حياته : عقيدة وعبادة، سلوكاً ومنهاجاً، وفكرا وشعورا، وما لم يحقق تلك العودة الكاملة ، فإن أي خطوة في هذا المجال لن تؤتي ثمارها

دعوه لكسر الملل والروتين Post-20628-1190533389

دعوه لكسر الملل والروتين Post-20628-1190533389

دعوه لكسر الملل والروتين Post-20628-1190533591