مسلسل يوميات ملتزم

موضوع رااااااااااااائع جدا قرأته في أحد المنتديات وقررت أنقله لحضراتكم

لن اطيل المقدمه....... سأدخل فى الموضوع مباشرة

ابتلينا فى عصرنا هذا بالمسلسلات الست تجد معى انه قل ان يكون بيت لا يتابع فيه احد افراده مسلسلا بأنتظام ويزعمون انه للتسلية هؤلاء البسطاء منهم، اما اصحاب الفكر الراقى فيقولون انه للافادة واى افادة فيه؟؟؟؟

فكرت ان يكون لنا نحن مسلسلا خاصا بنا لكنه مكلل بآيات القران الكريم ، ومزين بأحاديث رسول الله ، وحلى بأبيات شعر وكلام للسلف وفوائد من هنا وهناك

فريق عمل هذا المسلسل ( ال cast) ماتيسر لنا من فوائد من الكتب والمحاضرات

سيكون المسلسل حقا يوميا انتظروه كل يوم فى تمام الساعة 8 صباحا والاعادة على مدار الساعه

ملخص المسلسل للدعاية:

قصة حياة شاب ملتزم انا اراه قدوة لى فهو مثالى الى ابعد مانتخيل لكنه فى ذات الامر واقعى جدا سيمر بما نمر عليه جميعا من فتن ومشاكل وسنرى كيف سيعالجها قى ضوء الكتاب والسنة.

القصة ليست خيالية بل هى واقعية جدا قد تجد او تجدى تشابها كبيرا بينها وبينك فى كثير من أجزائها

سنصنع معا حياة هذا الفتى الرائع الملتزم حقا ونجعله لنا قدوة حية

انتظروا اولى حلقات المسلسل غداااااااااااااااااااااااااااا اااااااا

علشان لا أشعر اني بكلم نفسي الله يكرمكم

والله نفسي نعلى كلنا مع بعض بإذن الله

ولكن طبعا بعد ردود حضراتكم ومشاركاتكم

وطبعا بعد كل حلقه بإذن الله كل الأعضاء المشاركين في الموضوع

هيحاولوا يضيفوا الدروس المستفاده من كل حلقه
والله المستعان

لاتفوتوا الفرصة ............

في انتظار مشاركاتكم واقترحاتكم بإذن الله

__________________
حجابي يشرف نفسي الأبية

وروحي به في سرور رضيهْ

وأشعر أني بهذا الحجاب

أطير.. أطير ونفسي قويهْ

حجابي حصني حجابي هويه

يرد عيون العصاة الشقيه

ويعلن للناس أني فتاة

بفخر تدين لرب البريه

واليكم البث الان....

المقدمه( التتر)

الحمد لله الذى ربانى وأزال ،،،،،عن قلبى العمى وهدانى

وأغاثنى كرما وثبت حجتى ،،،،وأنا رهين الذنب والنقصانى

ثم الصلاة مع السلام لاحمد ،،،،،خير البرايا من بنى الانسان

والال والصحب الكرام ومن سعى لسبيله من تابعى الاحسان
__________________
( على بوابة الالتزام)

فى احدى شوارع القاهرة تقف عمارة شامخة آيلة الى السقوط كما هو الحال مع كثير من عمارات مصرنا المحروسة
وفى احدى طوابق هذه العمارة تقطن أسرة مصرية بسيطه تتكون من خمسة افراد

اب : موظف عادى فى احدى الشركات

ام : ربة منزل

اخت : عائشة

واخ: بطلنا الهمام ( عبد الرحمن)

واخت صغرى: فاطمة

الساعة الثامنة صباحا

ام عبد الرحمن: قوم ياابنى تعبتنى معاك اول يوم فى الكلية ومش هتروح

عبد الرحمن: حاضر ياماما قايم اهه ربع ساعه بس

ام عبد الرحمن: خلاص براحتك انا زهقت منك تروح ماتروحش انت حر

بعد نصف ساعة

عبد الرحمن: صباح الخير ياست الكل

ام عبد الرحمن : اهو هو ده الى واخدينه منك روح الكلية بقى مش من اولها كده

عبد الرحمن: حاضر اعتبرينى روحت خلاص

بعد ساعة من اللكاعه نزل من البيت

أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف)

ركب الاتوبيس وماأكثر الزحام

وبعد مدة انتهت معركة الاتوبيس بالفوز المبين ووصل للكلية

حينما رأى سور الجامعة عادت به الذاكرة الى الوارء شهورا

ياااااااااااااااااااااه

خلصنا خلاص من الثانوية العامة وتعبها اخيرا دخلنا الكلية

خطى اولى خطواته داخل الجامعة وعلى البوابة....

الحارس: اين الكارنيه؟

عبد الرحمن: انا لسه سنة اولى

الحارس: طيب وياريت تبقى تعمله ماتنمش عليه

دخل عبد الرحمن وهو يقول هو ماله الحارس فى حد مزعله؟

ظل يبحث طويلا عن جدول المحاضرات ليدونه فوجده اخيرا ودونه

هو لايعرف اى احد فى الكلية
فالشلة الكريمه بتاعته غالبهم لم ينجحوا الجزء الاخر التحقوا بمعاهد خاصة

وصل الى المدرج وجلس

الساعة الان 11: 30 دقيقة

بدأ الدكتور فى الترحيب بهم وخلاف ذلك مما يتحدث فيه الدكاتره اول يوم

واذن الظهر

لم يهتز لاخينا عبد الرحمن طرف(فهو بعد لم يلتزم)

حدثه احد الاخوة بجواره يبدو عليه الالتزام

الن تصلى يااخى؟:(ضحك):

طيب والمحاضرة؟

هنستأذن ونرجع على طول

امممممممم اصلى مش متوضئ

تعال ننزل ونتوضئ من مسجد الكلية

معلش اتفضل انت عشان ماضيعش المحاضرة

براحتك بس عايز اقلك حاجه النجاح يبدأ من المسجد ربنا يهديك

هو فيه ايه؟ ليه كل ده؟ ماعلينا

انتهت المحاضرة وعاد عبد الرحمن للبيت

الام : اهلا ياعبد الرحمن اخبار الكلية ايه؟

عبد الرحمن : كويسه

الام: مالك فى حاجه ؟

عبد الرحمن : لا عادى هاتيلى اكل

اتغدى صاحبنا ودخل لينام
تقلب على السرير بعض الوقت لانه يشعر انه مخنوق
ولايعرف لماذا هذا الشعور

الح على نفسه بالنوم لعله يستيقظ وقد ذهب عنه الذى يجده فى صدره

استيقظ بعد ساعات ولم يذهب ما به

أقوم احسن اتفرج على التلفزيون

قضى الليل كله امام التلفاز

وقبل الفجر بساعة نام

...............

ولتشتكى يافجر من عبد الرحمن

فى الصباح حان وقت الكلية وحانت ايضا معركة الاستيقاظ

بعد نهاية العراك استيقظ وهو متأفف

ولا يطيق ان يحدثه احد

ذهب للكلية ودخل المدرج ولم يلتفت حوله لانه بعد لم يستيقظ من النوم
نبهه اخ بجواره بقوله : السلام عليكم يااخى انا محمد وانت؟

انا عبد الرحمن
محمد: ماشاء الله اسمك جميل جدا ماتتصورش انا بحب اسم عبد الرحمن اد ايه معناه حلو اوى من الرحمة واحنا محتاجين للرحمة جدا فى الدنيا والاخرة

عبد الرحمن: قد بدى عليه علامات التعجب ولا جواب
محمد : انت مضايق عشان انا بكلمك ولاحاجه

عبد الرحمن : لا انا مضايق لوحدى

محمد: طيب ممكن نبقى اصحاب وتفضفضلى ؟

عبد الرحمن: ممكن نبقى اصحاب

محمد : طيب ممكن تأخد منى الشريط ده عربون صداقة

عبد الرحمن: تخذه منه ولم ينظر حتى فى اسم الشريط" شكرا"

حان وقت صلاة الظهر
محمد: يالا يا بطل ننزل نصلى اكيد لما تصلى هتبقى تمام

عبد الرحمن: هبى تمام ازاى يعنى؟
محمد : ايوه مش ربنا قال ( الابذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا

عبد الرحمن: ايوه ونعم بالله يالا

ونزلا الى المسجد وعند دخولهم للمسجد وقعت عينه على شئ غرييييييييييييييييييييب جدا هز قلبه قبل ان يهز جوارحه

نلقاكم فى الحلقة القادمه

بإذن الله

» فكر وقل هل انت ملتزم ؟؟
» يوميات عبد اللة